Madugay na nga ginapatihan nga ang ido ginakabig nga “Man’s best friend”.
Nakahibalo bala kmo nga may walo ka tuig nga bata nga nagakomunikar sa ido paagi sa pagtaghol matapos nga siya ginpabay-an sang iya pamiilya.
Ang walo ka tuig nga bata nagatinir sa drug-infested’ red zone sang Uttaradit Province, sa Thailand kun sa diin ginpabay-an ini sang iya iloy kag magulang nga lalaki.
Bangod mga ido lang ang iya upod, natun-an man sini ang pamatasan sang ido.
Nahibaluan nga gindala sang iloy ang iya bata sa eskwelahan apang isa lang ka bes para magkuha sang benepisyo nga ginahatag sa ila kag wala man sini ginpa-enroll ang bata.
Wala nakaagi eskwela ang bata kag bangod gin-abandona ini sang iya pamilya, siya nakakita sang pagpalangga kag atensyon halin sa mga ido kag imbes nga mag-esturya kaangay sa tawo, siya nakatoon kun paano magtaghol kaangay sa mga ido.
Natukiban naman sang kapulisan nga ang 46 anyos nga iloy sang bata kag ang iya 23 anyos nga magulang ang lunsay positibo sa paggamit sang illegal nga druga.
Sa karun ang bata yara na sa Uttaradit Children’s Home kun sa diin ginatudloan siya kun paano magkomunikar sa linggwahe sang tawo kag mahatagan siya sang husto nga edukasyon.
