Patay ang magulang matapos nga ginbuno sang manghod sa Purok Pakighi-usa, Barangay Pinowayan, Salvador Benedicto, Negros Occidental sang Hulyo 12 sang gab-i.
Ginkilala ang biktima nga si Arnel, 50 anyos kag mangunguma, samtang ang suspetsado naman ang ginkilala kay Edgar, 30 anyos kag isa man ka mangunguma.
Sa interview sang Bombo Radyo Bacolod kay Police Chief Master Sergeant Ronald Retiban, investigator on case sang Don Salvador Benedicto Municipal Police Station, santo sa ila nga imbestigasyon nag-inum sang makahulubog nga ilimnon ang tatlo ka mag-utod sa Barangay Proper sang nasambit nga banwa sang sang papauli na nag-una ang magulang sang duha nga si Ernesto.
Suno kay Retiban samtang nagalakat pauli nakabalikid ini kag nabatian nga may komosyon kag nakita sini nga ginbuno na ni Edgar si Arnel.
Gilayon man nga nagpangayo sang bulig si Ernesto apang pagbalik niya patay na si Arnel.
Gilayon man nga nagsungka si Edgar sa mga kapulisan kag nagpahayag nga naghinulsol ini sa iya nga ginhimo.
Suno kay Retiban, ginpahayag ni Edgar nga ginkastigo ini ni Arnel sadto rason nga ginbuno sini ang biktima.
Ginahulat pa sa karun sang mga kapulisan kun magpasaka ang pamilya sang kaso batok sa suspetsado.
