Ang mga tawo ang duna nga creative kaangay lamang sa ginhimo sa Afghanistan.
Sa tunga sang mainit nga panahon nga nagdangat na sa 40°C, ang mga taxi drivers sa syudad sang Kandahar, Afghanistan napilitan nga maghimo sang improvised air coolers gamit ang daan nga mga bariles kag tubo agud mabatuan ang tuman nga kainit sa ila mga salakyan.
Ang homemade cooler ginasiling nga mas epektibo sangsa built-in nga air conditioning system sang mga salakyan.
Ginpakita pa nila kon paano nila ginbutang ang exhaust vent gamit ang sticky tape kag gintakod ang unit sa atop sang ila taxi.
Gin-ako nila nga kinahanglan nila mano-mano nga pun-an sang tubig ang unit makaduha kada adlaw agud magbugnaw.
Ang Afghanistan kilala bilang isa sa pinakaimol nga pungsod sa kalibutan nga tuman nga apektado sang pagbag-o sang klima.
Suno sa report, ginalauman nga magabaskog ang init sa masunod nga mga semana.
Apang ginsuportahan sang mga pasahero ang inobasyon sang mga drayber.
Suno sa UN Food and Agriculture Organization, ang Afghanistan ang naka-eksperyensya sang pinakamainit nga tigpamulak sini nga tuig kag sa karon naga-antos sa malapnagon nga tigpalamangag nga nagaguba sang palangabuhian sang mga mangunguma.
Bisan pa sa tuman ka grabe nga epekto sang pagbag-o sang klima, ang Afghanistan wala ginlakip sa mga paghinun-anon sa klima sang UN halin sang gin-agaw sang Taliban ang gahum sang 2021.
