Malipayon nga nabaton sang mga tagdaog sa week one sang Swerte sa Palengke 2025 promo sang Bombo Radyo kag Star FM ang ila mga premyo.
Tuman ang kalipay sang 1st major prize winner nga si Jenifer Ramirez sang Brgy E Lizares, Talisay City, nga naggamit sang proof of purhcase nga R Florete Pawnshop and Jewelry kag nagbaton sang premyo nga P5,000.
Suno diri ang kwarta nga iya nabaton ang iya gamiton bakal sang iya bulong kag panggasto sini sa sulod sang balay.
Nagbunga naman ang adlaw-adlaw nga paghulog sang entries ni Francis Divinagracia sang Brgy 15, Bacolod City kun sa diin siya nagdaog bilang 2nd major prize winner sa proof of purchase nga Birch Tree kag nagbaton sang P4,000 cash.
Suno diri, naggamit siya sang proof of purchase nga Birch Tree bangod ang iya apo mahilig mag-inom sang gatas.
Samtang ang 3rd major winner naman amo si Melanie Zamora sang Brgy Alijis, Bacolod City sa proof of purchase nga Bioderm kag siya nakabaton sang P3,000.
Suno kay Zamora, ang kwarta nga iya nabaton ang gamiton sini bayad sa kuryente kag tubig.
Samtang, malipayon man nga nagabaton sang tig P1,000 cash ang consolation prize winners sang Swerte sa Palengke 2025 promo sang Bombo Radyo kag Star FM.
Suno sa tagdaog nga si Elsa Tipawan sang Taloc, Bago City naggamit ini sang proof of purchase nga Birch tree bangod ang iya mga apo naga-inom sang gatas.
Suno diri ang kwarta nga iya nabaton ang iya gamiton bakal sang bugas kag pasalubong sa iya mga apo.
Samtang, may dugang na pang-allowance ang tagdaog nga si Junah Mae Gasper sang brgy Montilla, Moises Padilla.
Suno diri, ang iya proof of purhcase amo ang Efficascent oil nga iya ginagamit kun matapos ang iya trabaho.
Suno naman sa tagdaog nga si Donna Solivan sang Brgy Calapi, Hinigaran ang premyo nga iya nabaton ang idugan niya pangbalon sa iya lima ka bata nga naga-eskwela.
Suno diri ang iya proof of purchase amo ang Gardenia bangod ini ang iya ginapabalon sa iya mga bata.
Sa pihak nga bahin, tuman ang kalipay sang special winner sang Swerte sa Palengke 2025 promo sang Bombo Radyo kag Star FM sa pagbaton sang cash prize kag radio set.
Suno sa tagdaog nga si Emma Estosos sang Purok Malipayon, Brgy. 35 Bacolod City, tuman ang iya kalipay sa pagbaton sang P500 cash prize kag AM/FM radio set nga may LED lights, rechargeable, kag wala nalasang sa isa lang ka estasyon.
Suno diri, ang proof of purchase nga gingamit niya amo ang Birch Tree bangod nagatyangge siya kag kun may yara sang nagabakal kag nagapatimpla sang gatas, iya ini ginatipon agud idagdag bilang entry.
