Nakabaton sang relief box ang mga residente sang Purok Carvic, Brgy Mandalagan, Bacolod City, Negros Occidental halin sa Office of the Vice President.
Punong Barangay Paul Anieve sang Barangay Mandalagan, Bacolod City
Sa interview sang Bombo Radyo kay Punong Brgy Paul Anieve sang Brgy Mandalagan, masobra sa 150 ka household ang nakabaton sang relieve box halin sa opisina ni Vice President Sara Duterte.
Suno diri, dako ang iya pagpasalamat sa bulig nga nahatag sa mga biktima sang pagbaha san tinalikdan nga Biyernes.
Ang relief box naga-unod sang habol, toothbrush, tsinelas, toothpaste, tubigan kag iban pa.
Sa karun may yara pa gid sang ginapaabot nga assistance halin kay Bacolod City Mayor Greg Gasataya kag Bacolod City Lone District Congressman Alfredo ‘Albee’ Benitez.
Samtang, dako ang pagpasalamat sang mga residente sang Purok Carvic, Brgy Mandalagan, Bacolod City sa assistance nga ila nabaton halin sa Offce of the Vice President.
Suno kay Purok president Greg Leonoras, masobra sa 100 ka panimalay ang naapektohan sang pagbaha sang Biyernes.
Suno diri, apisar nga naanad na sila sa nagaka-eksperyensyahan nga pagbaha sa lugar madamo sa gihapon sang mga gamit nila ang nagkalabasa kag iban naguba.
Voice clip: Purok president Greg Leonoras
Pahayag sini, dako ang iya pagpasalamat sa bulig nga ila nabaton halin sa opisina ni Vice President Sara Duterte.
