Napabilin sang Bagyo Crising ang kabaskugon sini samtang nagahulag sa West Northwestward nga dereksyon sa nasidlangan nga baybayon sang Bicol Region.
Sa latest Tropical Cyclone Bulletin ang Tropical Depression CRISING ang ulihi nga nasiplatan sa 535 km sa nasidlangan sang Juban, Sorsogon.
Dala sini ang kabaskugon sang hangin nga nagadangat sa 55 km/h kag pagmadlos nga tubtob 70 km/h.
Ang Bagyo ang nagahulag sa West Northwestward nga dereksyon sa kadasigon nga 15 km/h.
Ginpaidalom na sa Tropical Cyclone Wind Signal No. 1 ang Babuyan Islands, Isabela, northeastern portion sang Aurora, Quirino, Kalinga, nasidlangan nga bahin sang Mountain Province, nasidlangan nga bahin sang Ifugao, northeastern portion sang Nueva Vizcaya kag Apayao.
Lauman subong nga adlaw ang lapnagon nga mga pag-ulan nga may kaupod nga pagpangilat kag pagpanaguob sa Bicol Region, Eastern Visayas, Isabela, Aurora, Quezon, Dinagat Islands, kag Surigao del Norte tuga sang Tropical Depression CRISING.
Samtang Southwest Monsoon ukon Hangin Habagat naman ang magaapekto sa Mindanao, kasubong man sa nakatungdan nga bahin sang Luzon kag Visayas.
Mabatyagan ang dugay-dugay nga mga moderate to heavy nga mga pag-ulan sa Western Visayas, Negros Island Region, Palawan, kag Occidental Mindoro tuga sang Habagat.
Lapta-lapta nga pag-ulan naman ang mabatyagan sa Metro Manila, nabilin nga bahin sang Central Luzon, nabilin nga bahin sang CALABARZON, nabilin nga bahin sang MIMAROPA, Central Visayas, Zamboanga Peninsula, Northern Mindanao, nabilin nga bahin sang Caraga, La Union, kag Pangasinan nga epekto gihapon sang Habagat.
Samtang sa track kag intensity lookout sang Bagyo, ini ang ginalantaw nga padayun nga magahulag sa northwestward nga dereksyon sa masunod nga 48 oras.
Ini ang mahimo maglandfall sa mainland Cagayan bwas sa gab-i ukon sa Sabado sang kaagahon.
Ini ang sunod nga magatabok sa naaminhan nga bahin sang Northern Luzon, kag mahimo nga makagwa sa Philippine Area of Responsibility sa Sabado sang gab-i ukon Domingo sang aga.
Ginalantaw ang posibilidad nga ini ang magasanyog sa Tropical Storm category subong nga adlaw.
Samtang ini ang mahimo pa magbaskog samtang yara sa Philippine Sea kag magdangat sa Severe Tropical Storm category bwas sa hapon ukon sa gab-i antes ang paglandfall.
