Para sa political analysts sa ciudad sang Bacolod indi epektibo nga Press Officer sang Malacañang si Atty Claire Castro.
Sa interview sang Bombo Radyo Bacolod kay Atty. Jomax Ortiz yara lamang sa 50 percent ang effectivity ni Castro.
Suno kay Ortiz, bilang spokesperson sang Malacañang indi lang dapat makasugid sang matuod kundi dapat ang tono ang dapat humble kag indi man tama ka istrikta.
Suno diri, si Castro ang may pag-sarcastic nga kun kaisa daw indi naman insakto kag indi man kumbinsido ang abogado diri kag may pagkasuplada si Castro.
Suno kay Ortiz, ang ginapangita sang publiko bilang spokesperson sang Malacañang amo nga humble.
Dugang pa sini wala na ginalantaw kun matuod ang ginahambal apang ang ponto diri nga mamag-an ang imo ginahambal ilabi na para sa Duterte camp.
Ang Pilipinas ang natunga kun lantawon ang politika nga bahin gani dapat nga ang spokesperson sang gobyerno ang makahibalo magbalanse.
Nahibaluan nga maga-file sang iya courtesy resignation si Palace Press Officer Claire Castro bilang kabahin sang direktiba ni Presidential Communications Office (PCO) Secretary Dave Gomez.
Suno kay Ortiz sa tion nga maghalin si Castro indi na ini makabalik pa sa Presidential Communications Office.
