Nagsurrender na ang suspect sa pagpangluthang-patay sa iya abyan sa Town Heights Subdivision, Brgy. Matab-ang, Talisay City kagab-i.
Ang biktima ginkilala kay alyas Beboy Batman samtang ang suspek ang ginkilala kay alyas Beboy Rio lunsay mga residente sang nasambit nga lugar.
Sa interview sang Bombo Radyo Bacolod kay Police Lt Col. Alvin Christopher Baybayan, hepe sang Talisay City Police Station, matapos makomiter ang krimen, si Beboy Rio ang nagtiyog-tiyog sa ciudad sang Bacolod, tubtob nga siya ang ginkumbinser sang iya kumpari nga magsungka kag atubangon ang iya problema.
Alas-11:00 tubtob alas-12:00 kagab-i, nagcontact ang suspect sa iya asawa, samtang bangod ang kapulisan ang padayun man ang komunikasyon sa pamilya.
Alas-4:00 kaina sang kaagahon, ginsurrender sang iya asawa ang suspect sa kapulisan.
Si Beboy Rio ang pasakaan sang kaso nga murder paagi sa inquest proceedings.
Paathag ni Baybayan nga nalakip sadto sa priority list sa mga drug personalities sa Talisay City ang suspect, kag ini ang under monitoring pa.
Apang paathag sang hepe nga wala sang kaangtanan sa illegal nga droga ang krimen bangod ini ang tuga sang personal grudge.
Suno kay Baybayan, nagpangutang ang biktima sa suspect sang P1,500 agud ibayad sa gin-utang sini nga motorsiklo, apang sa baylo indi na ini magbayad sa iya abyan.
Kalakip naman sa ila confiscated evidence ang gingamit nga homemade black widow revolver kag tatlo ka ammunition.
