Patay ang 74 anyos nga lola matapos ginbuno sa Sitio Tala-tala, Barangay Napacao, Siaton, Negros Oriental.
Sa interview sang Bombo Radyo Bacolod kay Negros Oriental Police Provincial Office Spokesperson Police Lt Stephen Polinar, sa inisyal nga imbestigasyon, magkaupod ang lola kag ang iya nga apo sa pagpadulong sa ila payag sa nasambitan nga lugar.
Apang ginsugo sang lola ang iya apo nga magpanag-ob agud gamiton sa pagdigamo sang palamahawon.
Samtang pabalik ang bata, nakita sini ang suspect nga nagadalagan padulong sa iya lola kag ini ang ginbuno sa dughan.
Wala nakita sang apo ang nawong sang suspect apang ini ang gindescribe sini nga lalaki, nakajacket nga itom, itom nga pants kag nakatiniil lamang.
Matapos ang pagpamuno, ang suspect ang gilayon nga nagpalagyo sulod sa katubuhan.
Gindala pa ang biktima sa ospital apang ini ang gindeklarar nga dead on arrival.
Nagpatigayon man sang pursuit operation ang kapulisan.
Suno kay Polinar, padayun pa ang imbestigasyon sa kaso.
