Naghuyang na sa Tropical Depression ang Bagyo EMONG.
Ang Bagyo ang ulihi nga nasiplatan sa 500 km Northeast sang Itbayat, Batanes.
Dala sini ang kabaskugon sang hangin nga nagadangat sa 55 km/h kag pagmadlos nga tubtob 70 km/h kag nagahulag sa North Northeastward nga dereksyon sa kadasigon nga 45 km/h.
Sa latest track and intensity outlook, ang Bagyo EMONG ang magapadayun sa banas kag mapabilin ang kadasigon tubtob nga makagwa sa Philippine Area of Responsibility subong nga aga.
Bangod sa indi paborable nga environment kag madasig nga translational speed sang Bagyo, ini ang ginalantaw nga magatahaw pa kag mangin Low Pressure Area na lamang sa masunod nga 12 oras.
Wala naman sang lugar nga napaidalom sa ano man nga Tropical Cyclone Wind Signal.
Sa pihak nga bahin, padayun man ang monitoring sa duha ka Bagyo sa gwa sang Philippine Area of Responsibility.
Ang Tropical Depression, nga anay nakilala bilang Bagyo DANTE, ang ulihi nga nasiplatan sa 640 km sa naaminhan sang Itbayat, Batanes.
Dala sini ang kabaskugon sang hangin nga nagadangat sa 45 km/h kag pagmadlos nga tubtob 55 km/h.
Ini ang nagahulag padulong sa nakatungdan nga dereksyon sa kadasigon nga 15 km/h.
Samtang ang Tropical Storm KROSA, ang ulihi naman nga nasiplatan sa 2,315 km sa nasidlangan sang Northern Luzon.
Dala sini ang kabaskugon sang hangin nga nagadangat sa 85 km/h kag pagmadlos nga tubtob 105 km/h.
Ini ang nagahulag padulong sa North Northwestward nga dereksyon sa kadasigon nga 10 km/h.
Subong nga adlaw, lauman gihapon ang dugay-dugay nga pagbubo sang ulan sa Ilocos Region, Zambales, Bataan, kag Occidental Mindoro nga tuga sang Southwest Monsoon ukon Hangin Habagat.
Magal-umon naman ang kalangitan, nga makatuga sang lapta-lapta nga pag-ulan sa Metro Manila, Cordillera Administrative Region, Cagayan Valley, CALABARZON, nabilin nga bahin sang Central Luzon, kag nabilin nga bahin sang MIMAROPA nga epekto gihapon sang Habagat.
Apisar nga apektado man sang Habagat ang nabilin pa nga bahin sang pungsod, makanay nga panahon naman ang malauman magluwas sa pila ka mga gulpyada kag makadali nga mga pag-ulan.
