Liwat nga nagpatigayon sang flushing activity ang Bacolod City Government sa Libertad Public Market kagab-i.
Sa interview sang Bombo Radyo Bacolod kay Che-Che, team leader sang flushing team, gin-una nila ang meat section antes ang iban nga bahin sang merkado.
Suno kay Che Che madamo sila ang nagapanglimpyo bangud malapad ang merkado, ginper team ang mga ini kag gin-assign sa kun diin ma-assign agud nga magpanglimpyo.
Suno diri, manami gid man ang impact kun matinluan ang merkado bangud madamo sang mga customer ang magakadto bangud indi baho kag higko ang pwesto.
Dugang pa sini nga ila man nga ginatinguhaan nga malimpyuhan ang bilog nga merkado.
Nagaapelar man ini sa mga pumuluyo ilabi na sa mga vendors nga sundon man ang ila nga basura kag ipabilin man ang katinlo sa merkado bangud kun matinlo ang merkado ilabi na ang ila nga pwesto sila man ang makabenepisyo.
