Nangin ma-iwat ang baklanay sang karne sang baboy sa Libertad Public Market sa ciudad sang bacolod apisar sa manubo nga presyo.
Sa interview sang Bombo Radyo kay alyas “Butchoy”, nagabaligya sang baboy sa Libertad Public Market, ginpahayag sini nga normal na nga naga-iwat ang baklanay kada magbukas ang klase.
Ini bangod kalabanan sa gastos sang isa ka pamilya ang nagakadto sa pag-eskwela sang kabataan, kag dutay na lamang ang may extra budget sa pagbakal sang baboy.
Sa pihak sang pagdamo sang LGU nga may ASF cases sa Negros Occidental, wala man sila nagakahangawa.
Samtang panugyan sini sa mga manugbakal nga mas pilion nga magbakal sa mga merkado bangod ang baboy ang naglabay sa slaughter house kag madamo sang ginlabyan nga proseso kag inspection agud maseguro nga safe.
Paandam sini ang risgo kun magbakal sa mga naga-ihaw sa higad-higad, sa posibilidad nga ang baboy ang infected sang ASF.
