Ginhatagan sang award ang Punong Barangay sang Brgy Granada, Bacolod City bilang Barangay Captain of the Year 2025 sa Nation Builders & MOSLIV Awards.
Sa interview sang Bombo Radyo kay Punong Barangay Armando Vito, apat lamang ka Punong Barangay sa Pilipinas ang nahatagan sang nasambit nga award, isa sa Makati, Manila, Apayao kag Bacolod.
Suno diri, ang award nagapakita sang good governance, public service, kag iban pa.
Si Vito nag-umpisa bilang Brgy Kagawad kag kasunod sini siya ang nangin admin officer tubtob nga gin-endorso nga magpadalagan bilang Punong Barangay.
Pahayag ni Vito, bilang public servant, ang pumuluyo ang nagapasweldo sa iya amo nga indi sini mahimo nga lantawon ang iya kaugalingon kaangay nga mataas nga tawo.
Dugang pa sini, ang trabaho niya para sa publiko wala sang natalana nga oras bangod 24/7 nga bukas ini nga maggiyo para sa pumuluyo.
Pasalig ni Vito, kun mag-abot ang tion nga maghalin siya sa serbisyo ukon matapos na ang iya termino, luyag niya nga dumdumon sang tawo ang iyia legasiya kag hinimuan indi ang iya kapaltahan.
