Diskusyunan sang mga economic managers sang Marcos administration ang plano sang gobyerno agud masustiner ang pagsanyog sang ekonomiya sa tunga sang mga pagpanghangkat.
Patigayunon ini paagi sa tuigan nga economic forum sang Economic Journalists Association of the Philippines (EJAP) subong nga adlaw, August 11 sa Bangko Sentral ng Pilipinas (BSP) Assembly Hall.
Nalakip sa mga opisyal nga magatambong diri amo sanday Department of Economy, Planning, and Development Secretary Arsenio Balisacan, Department of Finance Secretary Ralph Recto, Department of Budget and Management Secretary Amenah Pangandaman, Special Assistant to the President for Investment and Economic Affairs Frederick Go, kag BSP Governor Eli Remolona Jr.
Igapresentar ni Balisacan ang estado sang ekonomiya sang Pilipinas sa karon kag ang mga palaabuton pa sa nabilin nga tatlo ka tuig sang administrasyon ni Marcos.
Igapaathag naman ni Recto kon paano pagadugangan ang pondo sang gobyerno sa pagpadasig ang socioeconomic development.
Ginalauman nga magatambong sa annual forum ang masobra 100 ka mga journalists, private sector representatives kag mga government officials.
