Gindayaw sang kongresista sa ciudad sang Bacolod ang tikang nga ginhimo ni President Ferdinand “Bongbong” Marcos Jr. nga pag-usisa sang mga flood control projects sang pungsod.
Sa interview kay Bacolod City Lone District Representative Alfredo “Albee” Benitez, gina-commend sini ang presidente sa paghimo sang inisyatibo sa pag-call out sang mga contractors kag mga proyekto nga kinahanglan nga i-audit kag i-reviewhon.
Suno kay Benitez, si Presidente Marcos pa lang ang nahibaluan sini nga presidente nga naghimo sang kaangay nga tikang.
Ginadayaw sini ang inisyatibo sang presidente agud nga masiguro ang mga proyekto sa national government ang properly audited kag ginasiguro nga wala sang anomalya nga nagakatabo sa mga ginapatuman nga mga proyekto.
