Narecover ang masobra P700,000 nga balor sang suspected shabu sa drug buybust operation nga ginpatigayon sa Purok Cereza South, Barangay 3, Bacolod City alas-2:50 kaina sang kaagahon.
Ang mga suspect ang ginkilala nga sanday Roberto Artieda, 39 anyos, single, ginakabig nga high value individial; kag Rey John Masula, 25 anyos, single, wala sang trabaho, street level individual, nga lunsay wala sang trabaho kag parehas nga residente sa lugar.
Sa operasyon sang City Drug Enforcement Unit sang Bacolod City Police Office, narecover sa duha ang isa ka knot-tied transparent plastic bag kag anom ka sachet sang transparent plastic sachet sang suspected shabu.
Ang suspected shabu ang ginabanta nagabug-at sang 110 grams nga may standard drug price nga P748,000.
