Naumpisahan na ang pagpanagtag sang kapin sa 8,000 ka Bacolod City Comprehensive Health Program (BacCHP) cards nga wala pa napanagtag humalin sang tinalikdan nga administrasyon.
Suno kay Bacolod City Mayor Greg Gasataya, sa pagtsekyar sini may yara sang 7,978 ka mga BacCHP cards wala na napanagtag kag gin-athag sini nga 13 lamang ka cards ang may duplicate.
Ang pagprint sang card nagabalor sang P128 kag ang Brgy nga may pinakamadamo nga BacCHP cards amo ang Brgy 3 nga may 128 kag Brgy Estefania nga may 637.
Gin-athag sang alkalde nga bisan wala man sang card nga gina-uyatan mahimo sa gihapon maka-avail sa programa ang mga pumuluyo basta nakaparegister lang sila. Samtang… ginpatpat ni former Bacolod City Comprehensive Health Program (BACCHP) focal person Engr. Mae Cuaycong ang rason kun ngaa wala nadistribute ang mga BACCHP cards.
Suno kay Atty Marty Go, focal person sang BacCHP sa karun, sa reply nga ginpasa ni Cuaycong may yara sang kapin sa 3,000 ka cards nga wala nadistribute apang sa inisyal nga pagtskeyar may yara sang kapin sa 8,000 ka cards ang wala narelease.
Suno diri, ang rason ni Cuaycong amo nga gin-untat ang distribution bangod sa banning period sang election kag iban may yara sang duplicate samtang ang iban naman may yara sang sala sa pagprint ukon kulang ang detalye.
Pahayg ni Go, kun may yara man sang sala mahimo lang na ibalik sa ila opisina agud maislan ang card.
