Pilason ang isa ka contractor matapos ginluthang samtang sakay sa motorsiklo sa National Highway sang Sitio Lagtang, Barangay San Pedro, Santa Catalina, Negros Oriental pasado alas-7:00 kaina sang aga
Ang biktima ang ginkilala nga si Engr. Angelito Mendoza, 58 anyos, contractor, residente sang Brgy. Manalongon, Santa Catalina.
Nahibaluan nga antes ang insidente, nagpangape pa ang biktima sa Brgy. Manalongon sa nasambitan nga banwa alas-6:00 sang aga, antes nagbyahe sakay sa itom nga Honda ADV padulong sa Sitio Lagtang, Barangay San Pedro agud kuntani magbisita sa iya quarry site.
Apang antes paman makaabot sa lugar, siya ang ginluthang sa likod sang makatatlo ka beses gani ini ang natumba sa dalan.
Ang wala makilal-an nga suspect nga sakay sa itom nga XRM nga motorsiklo, ang gilayon naman nga nagpalagyo matapos ang krimen.
Narecover sa crime scene ang isa ka basiyo sang cal. 45.
Sa karun padayun pa ang imbestigasyon sang kapulisan sa insidente.
