Ginkumpirmar sang Malacañang nga pagahatagan sang iban nga posisyon sa gobyerno si former Philippine National Police Chief Gen. Nicholas Torre III.
Suno kay Palace Press Officer USec. Claire Castro, ginahulat pa nila ang mangin sabat ni Torre sa offer sang Presidente.
Ini man ang rason kun ngaa indi pa mabuyagyag sang Malacañang kun ano ini nga position.
Ginhighlight man ni Castro nga kinahanglan nga respetuhon ang wisdom ni President Ferdinand “Bongbong” Marcos Jr. sa ginhimo nga paghukas sini sa pwesto bilang hepe sang PNP.
Ginpahayag man ni Castro nga nakaistoryahanay na sanday Marcos kag Torre kag naintindihan sang opisyal ang nangin desisyon sang Presidente.
Hugot naman nga ginpanginwala sang Malacañang ang pahayag sang Makabayan Bloc Lawmaker nga may yara sang internal conflicts sa administrasyon ni Marcos.
