Ginklaro ni Bacolod City Mayor Greg Gasataya nga wala sang diber ang Bacolod City Government nga mag-intra sa internal issues sang Bacolod City Water District (BACIWA).
Suno kay Mayor Greg, ang issue sa liderato ang dapat resolbahon sang BACIWA Board of Directors.
Paathag sini nga ang City Government ang maka-intra lamang sa pag-appoint sang Board of Directors, samtang ang mga ini na ang may otoridad sa pagpili sang General Manager.
Ini kasunod sa pag-end sang Board sang term of office ni anay General Manager Mona Dia Jardin kag siya ang ginbuslan kay Acting General Manager Engr. Michael Soliva.
Apang indi magsugot si Jardin kag ginapanindugan nga illegal ang pagkakas sa iya.
Nagalaom si Mayor Greg, nga ano man ang mangin desisyon sang mga pamunuan sa water district, ini ang dapat magresulta sa pag-imprubar sang delivery sang safe, uninterrupted kag potable nga tubig.
Paathag sang alkalde nga magapatunga na lamang ang ciudad kun ang conflict ang naga-apekto na sa supply sang tubig kag apektado na ang member-consumers.
