Pila ka mga balay naguba kag pila ka mga kasapatan napatay bangod sa pagbaha nga nagluntad sa Barangay Biak-na-bato, La Castellana, Negros Occidental, matapos nag-awas ang tubig sa nagnabaw na ang Tamburong creek.
Sa interview sang Bombo Radyo Bacolod kay Punong Barangay Joselito Martinez Jr, 198 ka mga indibidwal ang gin-evacuate kagab-i matapos ginmando ang forced evacuation.
Suno diri, dako ang balor sa mga balay nga nagkalaguba kag mga gamit sang ginsulod sang tubig baha ang kapin 60 ka mga balay.
Samtang nagkalamatay naman ang pila ka mga kasapatan kaangay sa mga manok, kanding kag iban pa matapos malunod.
Nakapadala naman ang Local Government Unit sang banwa kag Department of Social Welfare and Development (DSWD) sang mga food packs sa mga evacuees.
Pahayag ni Martinez, ini sa karun ang pinakamalala nga pagbaha nga nagluntad sa Brgy bangod kaangay nga nangin suba na ang dalan.
