Ongoing pa ang construction sang Flood Mitigation Project sa bahin sang Ilog-Hilabangan river nga ginalantaw nga completed na ang status sang Enero 23, 2025.
Sa interview sang Bombo Radyo Bacolod kay Friciso Unabia, residente sa Hacienda Palma, Purok 4, Barangay Andulauan, Ilog, ang proyekto ang iya sang Home World Construction.
Apang apisar nga nabutang sa “Sumbong sa Pangulo” website nga natapos na ang proyekto sang Enero, suno kay Unabia ini ang sang Hunyo lamang nasuguran.
Ang pika-pika ang plano nga i-angot sa pika-pika sang Silver Dragon Constraction nga natapos sang 2023.
Suno kay Unabia, sa nakaligad nga mga pag-inulan, nalab-ot ang ila balay sang baha, kag nag-awas pa bisan sa highway.
Nagapati ini nga kun mahuman ang ginatukod nga dike, indi na maayo bahaon ang ila nga lugar.
Suno kay Unabia, mabaskog ang bulyada sang tubig sa ila kun may ulan bangod ini ang nagagikan pa sa nabukid nga bahin sang Mabinay, Negros Oriental, panaog sa banwa sang Candoni, Kabankalan City kag sa ila sa Ilog antes maggwa sa dagat.
Ginhapitan man sang Bombo News Team ang Negros Occidental 3rd Engineering District apang wala ang District Engineer bangod may-ara na sang nauna nga appointment.
