Ginklaro sang Assistant Regional Director sang Department of Public Works and Highways – Negros Island Region nga natapos na ang P125 million Flood Mitigation Project sa Ilog-Hilabangan river, kag bag-o nga proyekto ang ginapatigayon sa karun sa Hacienda Palma, Purok 4, Barangay Andulauan, Ilog, Negros Occidental.
Ini matapos makita sa “Sumbong sa Pangulo” website nga may Flood Mitigation Project sa nasambitan nga suba nga santo sa record, completed na sang Enero 23, 2025.
Apang sa pagbisita sang Bombo News Team sa lugar, may-ara sang ongoing project nga gina-alegar nasuguran sang Hunyo.
Sa interview sang Bombo Radyo Bacolod kay Engr. Rodney Gustilo, ang Flood Mitigation Project ang napondohan sang 2024 kag ini ang gin-implementar sang Negros Occidental 3rd Engineering District, samtang ang karun nga Pile Driving Project nga balor P181 million, ang gikan na sa 2025 budget kag gin-implementar sang DPWH-NIR.
Paathag ni Gustilo nga DPWH-Region 6 ang nagpatigayon sang bidding apang DPWH-NIR na ang nag-award.
