Ginpatigayon kaina sang aga ang turnover of command ceremony para sa bag-o nga Officer in Charge sang Negros Occidental Police Provincial Office (NOCCPO).
Ginbuslan ni PCol. Dennis Wenceslao si PCol. Rainerio De Chavez bilang provincial director samtang si De Chavez naman gin-reassign sa Criminal Investigation and Detection Group (CIDG) Central Office.
Dako ang pagpasalamat ni Wenceslao nga siya ang napilian nga ibutang sa pwesto kag sa karun magakoordinar ini anay sa Police Regional Office – Negros Island Region antes maghatag sang guidelines.
Isa sa mga ginalantaw sini nga challenges sa pagpungko niya amo ang mga nagakatabo nga shooting incidents sa ciudad nga wala man lang nakilal-an kun sin-o ang suspek kag indi masolbar ang krimen.
Pahayag ni Wenceslao, padayonon sini ang naumpisahan na ni De Chavez kun sa diin ginbilin na sini sa iya ang mga proyekto sang NOCPPO nga on going sa karun kag ang mga plano nga padayonon sini.
