Ginpahayag sang station commander sang Bacolod Police Station 1 nga wala sang CCTV sa ginparkingan sang get-away vehicle sang suspek nga nagtiro patay sa hardware owner kag contractor sa Bacolod Downtown area, Bonifacio St, Barangay 12, Bacolod City sang Martes sang aga.
Madumduman nga ang biktima ang ginkilala nga si Engineer Romie Li, nagapanag-iya sang Bacolod Republic Hardware Inc. kag residente sang City Heights Subdivision, Brgy Taculing, Bacolod City.
Sa interview sang Bombo Radyo Bacolod kay Police Captain Francis Depasucat, station commander sang Bacolod Police Station 1, padayon pa ang ila nga imbestigasyon kag wala sila sang nakuha nga CCTV footage sa ginparkingan sang get-away vehicle.
Samtang may yara na sila nga persons of interest kun sa diin natumod nga gun for hire.
Ang suspek ang may yara sang warrant of arrest sa kaso nga attempted murder kag nadakpan apang nakapyansa.
Sa karun wala pa maestablisyar kun ano gid ang motibo sa pagpatay sa biktima.
