Nagapaayo na ang pulis nga isa sa nabungguan sang pribado nga salakyan sa Panaad Access Road, Hillside Subdivision, Barangay Mansilingan, Bacolod City samtang nagapatigayon sang drug buybust operation pasado alas-10:00 sang Huwebes sang gab-i.
Sa interview sang Bombo Radyo Bacolod kay Police Captain Dax Santillan, station commander sang Bacolod Police Station 7, kaupod sang police nga nasamaran ang subject person kag ang poseur buyer apang wala na nagpadala sa ospital bangud minor injuries lamang ang naangkon sang mga ini.
Suno kay Santillan, nagbilib man ini sa police corporal kag sa poseur buyer bangud nga apisar nabungguan na ang mga ini sang awto, gintapos nila ang drug buybust operation.
Sa karun nagapabilin nga conscious ang police personnel kag maayo man ang resulta sang X-ray samtang ginahulat ang resulta sang CT scan matapos nga makaangkon sang head injury kasunod sang insidente.
