Fire survivors sa Barangay 27, Bacolod City, wala pa ginpabalik sa ila balay

Wala pa ginapahanugotan ang mga pumuluyo nga biktima sang sunog sa Brgy 27, Bacolod City sa ila tagsa ka mga pamalay.

Suno kay Punong Brgy. Freeman Madalag, wala pa ginpabalik ang mga pumuluyo apang iban nagasulod balik sa area para makapanghimos sang mahimo pa nila magamit.

Suno diri, kun magpatindog gid man sila sang ila balay mas maayo kun concrete materials ang gamiton sa pagtukod snag balay amo nga nagapangayo ini sang bulig kun sin-o makahatag sa ila sang mga materials kaangay sang sin, semento kag balas, kag kun iban pa.

Samtang, nagpasalamat naman sila sang tanan nga bulig nga ila nabaton sa karun kaangay sang mga panapton nga nagasobra-sobra na kag ginaproblema nila sa karun kun paano ini madistribute sang insakto.