Indi magnubo sa 3 ka persona, napatay bangod sa halit nga gintuga sang Super Typhoon NANDO

Indi magnubo sa tatlo ka mga persona ang nadulaan sang kabuhi bangud sa paglaslas ni Super Typhoon Nando suno sa data nagikan sa National Disaster Risk Reduction Management Council (NDRRMC).

Siyam naman ka mga persona ang pilason kag lima ang nagapabilin nga missing.

Suno sa NDRRMC, ang nasambit nga figures ang padayon pa nga ginavalidate.

Ang super typhoon ang nakaapekto sa 35,264 ka pamilya ukon 123,142 ka mga persona sa walo ka rehiyon kag 24 ka mga probinsya.

Nagapabilin naman ang problema sang pagbaha sa 128 ka mga areas lakip na sa National Capital Region (NCR).

Sa karun, 28 ka mga pamalay kag 13 ka mga infrastructure ang nagguba ni Super Typhoon Nando.