Lauman ang pagluntad sang gas emission kag minimal eruption sa Bulkan Kanlaon bangod sa nagasaka nga numero sang volcanic earthquakes.
Sa interview sang Bombo Radyo Bacolod kay Darryl Aro, Science Research Analyst sang Philippine Institute of Volcanology and Seismology Kanlaon Observatory sa cuidad sang La Carlota, sa 24 oras nga monitoring sa bulkan may narekord nga 31 ka volcanic earthquake kun sa diin nagdangat sa 1141 tonnes per day nga sulfur dioxide ang ginbuga sang bulkan samtang 150 meters naman ang kataason sang plume.
Suno diri, nagasaka ang nagakarecord nga volcanic earthquakes kag ini patimaan nga ang magma sa bulkan nagasaka.
Paandam ni Aro nga kun nagasaka ang magma nagaluntad ang ash emission kag minimal eruption amo nga padayon nga ginapahalong ang mga residente sa karun nga yarapa sa alert level 2 ang status sang bulkan.
