Padayon ang imbestigasyon sang Bacolod City Police Office sa mga flood control projects sa ciudad sang Bacolod.
Sa interview kay BCPO Director Police Col Joeresty Coronica, una nga naggwa sa ila record may 19 ka floon control project sa ciudad apang sa karun natukiban nga may 39 tanan ka proyekto humalin sa Police Station 1 tubtob sa Police Station 9, kag ang Police Station 10 lamang ang wala.
Suno diri, ini nga tikang sunod sa ginrequest ni Department of Public Works and Highways Secretary Vince Dizon nga makabulig ang Philippine National Police sa pagtsekyar sa field bangod mahapos sa ila magpadulong sa area.
Pahayag ni Coronica tsekyaron sang pulis ang area kag lantawon kun ano na ang status sang project kun bala naga-exist gid man ini.
Kun may yara na sila sang natipon nga records, ila ini ipasa sa Police Regional Office- Negros Island Region kag amo nga ipasa sa national headquarters nga amo naman ang mapasa sa Independent Commission for Infrastructure.
