Alas-2:00 kaina sang kaagahon, nagsanyog na sa Tropical Storm category ang Bagyo PAOLO.
Ulihi nga nasiplatan ang sentro sang Bagyo sa 795 km sa nasidlangan sang Infanta, Quezon.
Dala sini ang kabaskugon sang hangin nga nagadangat sa 65 km/h kag pagmadlos nga tubtob 80 km/h.
Ang Bagyo ang nagahulag sa West Northwestward nga dereksyon sa kadasigon nga 20 km/h.
Sa track forecast sang Bagyo, nakita nga ini ang mahimo maglandfall bwas sa aga sa Isabela ukon sa Northern Aurora.
Antes ang paglandfall, ginalauman nga magabaskog pa ang Bagyo sa Severe Tropical Storm category.
Makita man sa cone of probability nga malapad nga bahin sang Luzon ang maapektuhan sang Bagyo PAOLO.
Ginpaidalom na sa Tropical Cyclone Wind Signal No 1 ang pila ka mga lugar sa Luzon.
Ini ang ginalakipan sang:
-Mainland Cagayan
-Isabela
-Quirino
-Nueva Vizcaya
-Apayao
-Abra
-Kalinga
-Mountain Province
-Ifugao
-Benguet
-Ilocos Norte
-Ilocos Sur
-La Union
-Pangasinan
-Naaminhan nga bahin sang Zambales
-Tarlac
-Nueva Ecija
-Aurora
-Naaminhan nga bahin sang Bulacan
-Naaminhan nga bahin sang Pampanga
-Naaminhan nga bahin sang Quezon lakip na ang Polillo Islands, kag
-Naaminhan nga bahin sang Catanduanes
Apisar nga may mga napaidalom na sa Signal No. 1, mahimo matalupangdan nga wala pa maayo sang mga pag-ulan ukon mabaskog nga hangin.
Ini bangod ginalauman nga bwas pa maga-igo ang epekto sang Bagyo sa mga apektado nga lugar, gani may-ara pa sang 36 oras agud makapreparar.
Matapos tabukon ang landmass sang Northern Luzon, ang Bagyo ang magalapos sa West Philippine Sea bwas sa hapon kag ginalantaw nga makagwa sa Philippine Area of Responsibility sa Sabado sang aga.
Ini ang ginalantaw nga magasanyog sa Typhoon category samtang nagapalayo sa pungsod.
