Alas-4:00 kaina sang kaagahon, nakagwa na sa Philippine Area of Responsibility ang Severe Tropical Storm PAOLO.
Ini ang liwat na nga kilalahon sa iya International Name nga MATMO.
Ang sentro sang Severe Tropical Storm PAOLO ang ulihi nga nasiplatan sa 295 km sa nakatungdan sang Sinait, Ilocos Sur.
Dala sini ang kabaskugon sang hangin nga nagadangat sa 110 km/h kag pagmadlos nga tubtob 135 km/h.
Padayun naman ini nga nagahulag sa West Northwestward nga dereksyon sa kadasigon nga 20 km/h.
Apisar nga nakapagwa na sa PAR, nagapabilin gihapon nga yara sa Tropical Cyclone Wind Signal No.1 ang:
-Western portion sang Abra
-Western portion sang Benguet
-Southern portion sang Ilocos Norte
-Ilocos Sur
-La Union
-Western kag central portions sang Pangasinan, kag
-Northern portion sang Zambales
Bangod sa Trough ukon Extension sang Severe Tropical Storm PAOLO, lauman gihapon ang lapnagon nga mga pag-ulan nga may kaupod nga pagpangilat kag pagpanaguob sa Metro Manila, Ilocos Region, Cordillera Administrative Region, Central Luzon, Cavite, Batangas kag Occidental Mindoro.
Apisar nga wala napaidalom sa Wind Signals, malauman man ang mamadlos nga huyop sang hangin sa Batanes, Northern portion sang mainland Cagayan kalakip ang Babuyan Islands, Apayao, Zambales, kag Bataan.
Ang Bagyo PAOLO ang padulong na sa Southern China.
Samtang yara sa West Philippine Sea, ang Bagyo PAOLO ang ginalauman nga liwat nga magabaskog sa Typhoon category subong nga aga ukon karun sa hapon.
