Ginatipon na sang National Bureau of Investigation- Bacolod City ang mga dokumento halin sa mga Department of Public Works and Highways District Engineers sa Negros Occidental kag Bacolod City nga ginsubpoena sang tinalikdan.
Suno kay NBI-Bacolod Head Atty Manuel Fayre Jr. ginatipon na ang mga dokumento nga ginpasa sa ila agud mahibaluan kun nagsanto man sa nakuha nila nga dokumento sa online.
Suno diri, matapos ini mapadala sila liwat sang subpoena sa mga District Engineering Office para sa geotagging sa mga areas kun diin nahamtang ang mga project nga gin-submit nila.
Igatsekyar sang NBI ang mga flood control projects kun naga-exist gid man kag mapatigayon sila sang testing kun mabakod ang proyekto.
May yara man sang idihon nga messaging app kun sa diin mahimo nga makapadala sang mensahe ukon impormasyon ang mga pumuluyo sang probinsya angot sa imbestigasyon sa flood control project.
