Nagapadayun ang renovation sang Emergency Room (ER) sang Corazon Locsin Montelibano Memorial Regional Hospital sa dalan Burgos samtang may yara naman sang ginbutang nga temporaryo nga emergency room sa main gate sang nasambit nga hospital.
Madumduman nga sang September 17 nagpirma ang CLMMRH sang Memorandum of Agreement sa mga pribado nga hospital sa ciudad nga maga-cater sang mga pasyente nga gindala sa emergency room apang indi na maatipanan bangod sa temporaryo nga pagsarado sang ER.
Isa ang Riverside Medical Center sa nagpirma sang MOA sa tunga sang regional hospital.
Ginpahayag ni Department of Health Undersecretary Dr Mary Ann Maestral nga on time sa schedule ang renovation sang ER sang Regional Hospital.
Suno kay Maestral, as of October 19 yara sa 9.79 percent na ang natapos apang may gamay lang nga delay sa pipings kag ini ang minimal lamang.
Suno diri, mas maayo kun mas temprano nga matapos ang renovation.
Nakumpleto na ang Temporary Emergency room kag waiting area, kag ang masunod nga irenovate amo ang Mother and Child Department.
Ang padayon nga renovation sang ospital ang magaresulta sa pagkay-o sang dapat kay-uhon kag mangin madamo naman ang mga pasyente nga ila nga mabaton.
Isa man sa ginadihon sa karun ang pagconvert sang ospital sa paggamit sang solar energy.
