Nagapanawagan sang bulig ang residente sa banwa sang La Castellana matapos nga pito pa sa mga himata sini ang nagapabilin nga missing matapos maanod sang tubig-baha kadungan sa paglaslas sang Bagyo TINO.
Sa interview sang Bombo Radyo Bacolod kay Jay-ar Misajon, ang nagapabilin pa nga missing sa iya himata ang ginalakipan nanday:
- FERLYN MESAJON (49YRS. OLD)
- RITCHEL PEÑAFLORIDA (29 YRS..OLD) (F)
- ROMMEL PEÑAFLORIDA SR. (33 YRS. OLD) (M)
- JISIEL MESAJON (6YEARS OLD) (F)
- REDICK PEÑAFLORIDA (12 YRS..OLD) (M)
- KEN PEÑAFLORIDA (7YRS.OLD) (M)
- ROMMEL PEÑAFLORIDA JR. (3 YRS OLD) (M)
Suno sa iya wala sang katupad ang ila nga balay nga malapit sa suba sa Hacienda Taborda, Brgy Robles, La Castellana.
Bangod sa Bacolod City nagatrabaho si Jay-ar, naghingagaw ini pauli sa La Castellana sang gab-i bangod sa kahangawa sa sitwasyon sang iya pamilya.
Suno sa iya sang aga, ginlihog sini ang tiyo nga matsekyar ang ila balay, wala na ang balay kag naanod na sang baha sang iya maabtan.
Sang magbalik sa compound sang iya lola, yara na didto ang iya amay kag ang 14 anyos sini nga manghod.
Pahayag sang mga ini nga bangod sa pagtambak sang volcanic materials sa suba, ini ang nagnabaw kag nagreroute ang tubig.
Nagtinguha pa nga mag-evacuate ang iya pamilya kag nakapanghimos na sang mga dalal-on, apang ginkuha pa sang amay kag 14 anyos nga manghod ang karbaw kag karo nga amo ang ila sakyan sa pagbakwit.
Apang sa pagbalik sang mag-amay, napalibutan na sang tubig ang balay.
Nakagwa man ang 10 niya ka himata, apang bangod sa makusog nga current sila ang nagpanguyat lamang sa isa ka kawayan sa paglaom nga ini ang indi madala sang tubig.
Nagpangita sang kalat ang mag-amay nga magamit tani sa pagbutong sang nastranded nila nga pamilya, apang sa pagbalik, wala na ang ila mga himata kag wala naman ang kawayan nga ila gina-uyatan.
Nahimo nga masalbar ang isa sini ka hinablos, kag duha ka manghod, nga ang isa ang gindala sa Regional Hospital kag nadischarge naman kahapon.
Apang ang iya iloy nga si Ferlyn, magulang nga si Ferlyn, bana iya bana nga si Rommel, ila agot nga si Jisiel, kag mga hinablos sini sa magulang nga sanday Redick, Ken kag Rommel Jr. ang wala gihapon makit-an.
Suno diri, mabudlay ang komunikasyon sa La Castellana bangod wala sang signal, gani siya ang yara sa Bacolod City agud macontact sa iya mga magulang sa Manila kag Mindanao, kag agud man makapangita sang dugang nga bulig.
Nagapangayo ini sang bulig sa mahimo nakasalbar ukon nakasapo sang iya mga himata nga magcontact lamang sa 09638803566.
