Padayon ang search and retrieval operation sang kapulisan sa mga namissing sa probinsya sang Negros Occidental kasunod sa paglaslas sang bagyo Tino.
Sa interview sang Bombo Radyo Bacolod kay Negros Occidental Police Provincial Office Spokesperson Police Captain Judesses Catalogo, may yara sang kabudlayan sa pagpangita kag pagretrieve sa mga namissing kag sila nangayo na sang bulig sa iban nga ahensya.
Suno diri, may yara na sang mga drone nga gin-gamit agud mapalapad ang area nga ila makit-an kag may yara man sang canine units halin sa Philippine Coast Guard nga ginpadala.
Suno kay Catalogo, kun mahimo maagyan ang dalan, sila nagasulod gid sa area agud magpangita bangod naitindihan sini nga may mga pamilya nga nagahulat nga makit-an ang ila himata.
Pahayag ni Catalogo, padayon ang ila search and retrieval operation agud makit-an ang mga missing kag madula ang kabalaka sang mga pamilya nga nadulaan sang himata.
