Gin-umpisahan na ang budget deliberation sa Sangguniang Panlungsod sa ciudad sang Bacolod para sa 2026 budget.
Suno kay Councilor Thaddy Sayson, chairman sang Committee on Appropriations and Finance, sa Disyembre 15 ang natalana nga deadline para sa budget deliberation sa tanan nga departamento apang ang orihinal nga deadline natalana sa Disyembre 31.
Suno diri, dapat masubmit na sa 2nd kag 3rd reading ang deliberasyon sa P475 billion nga budget para sa masunod nga tuig.
Aminado ini nga may yara sang nakit-an nga gagmay nga deperensya sa personnel services apang ma-adjust man ini.
Una nga ginpatigayon sa finance committee ang deliberasyon kaupod ang Budget office, City Mayors office, Treasurers office kag City Planning and Development Office agud matsekyar kag mapa-athag ang tanan nga budget.
Pahayag ni Sayson, healthy ang estado sang budget sa Bacolod City kag bukas ini nga pamatian kun ano man ang mga concerns angot sa pondo.
