Ginalantaw sang political analysts sa ciudad sang Bacolod nga mahimo mangin mitsa sang People Power 3 ang mga rebelasyon nga ginhimo ni former Ako Bicol Representative Zaldy Co.
Kahapon, Sa una nga kahigayunan, nagpagwa na sang statement si former Ako Bicol Partylist Representative Zaldy Co nga si President Ferdinand “Bongbong” Marcos Jr. mismo ang nagmando sang insertion kasubong man nga siya ang magpanago.
Ang video message ang first part pa lamang suno sa kongresista.
Suno diri siya ang indi na magahipos, kag ipagwa sini ang tanan nga may kaupod nga resibo, ebidensya kag pangalan.
Apang nagalaom ini nga mapagwa niya ang tanan, kag indi ma-unahan nga mapatay bangod ginagamit sang administrasyon ang resources sang gobyerno agud siya ang pahipuson.
Kun sa diin ginpahayag sini nga sa Bicameral process sang 2024, ginpahayag ni Budget Secretary Amenah Pangandaman nga may mando si Marcos sa pag-insert sang P300 billion projects.
Sa interview sang Bombo Radyo Bacolod kay Atty. Jomax Ortiz, makabig nga bomb shell ang ginbuy-an nga pahayag ni Zaldy Co bangud direkta nga nag-igo kay President Ferdinand Marcos Jr.
Ang rebelasyon ang indi basta basta kag wala pa mahibaluan kun ano ang masunod nga matabo.
Apang sa paglantaw sang abugado kag political analysts nga may yara sang magaluntad nga People Power 3 agud nga pahalinon sa pwesto ang nagapungko sa pwesto.
Suno kay Ortiz ang tingog sang mga pumuluyo ang supreme law kag ini man ang ginakabig nga tingog sang Diyos.
