Gin-terminate na sang National Disaster Risk Reduction and Management Council (NDRRMC) ang search, rescue and retrieval operations may kaangtanan sa Bagyo Tino kag Uwan.
Sa interview sang Bombo Radyo Bacolod kay Office of Civil Defense-Negros Island Region Director Donato Sermeno III, sang Nobyembre 16 ginpahibalo sila sang NDRRMC nga terminated na ang nasambit nga operation.
Suno kay Sermeno apisar nga terminated na operasyon ang mga pamilya nga may missing pa nga himata ang mahimo sa gihapon nga maka-request sa pagpangita kag itudlo ang mga lugar nga luyag mafocus ang pagpangita.
Nagapasalig ang OCD-NIR kag Armed Forces nga sila ang magabulig.
Suno kay Sermeno, natalana nga iconsolidate subong nga adlaw sang Management of the Dead and Missing ang mga datos para sa final statistics.
Sa record ng Police Regional Office – Negros Island Region, may 95 nga napatay sa rehiyon, samtang 40 naman ang missing.
92 sa mga nasapwan nga bangkay ang nakilal-an na, samtang may tatlo pa nga unidentified.
