Gin-athag ni Bacolod City Administrator Atty. Mark Mayo nga indi pwede hatagan sang kwarta ang mga garbage collectors sini nga holiday season bilang baylo nga kuhaon ang ila basura.
Suno kay Mayo, gin-athag na sini sa empleyado sang Bacolod Environment & Natural Resources Office (BENRO) kag IPM Construction and Development Corp. (IPM-CDC) nga indi sila pwede maghatag sang sobre agud mangayo sang pamaskwa.
Suno diri, ireport kun may yara sang nagapangayo-kayo kag kun may yara sang wala nagkuha sang basura sa rason nga wala sila ginhatagan sang kwarta.
Pahayag ni Mayo, dapat nga nagatrabaho lamang sila sang ila trabaho kag indi na maglaum pa nga makabaton sang balik bangod ginasweldohan man sila.
Samtang, natalana nga matapos na ang kontrata sang IPM-CDC sa Disyembre 31 kag lantawon kun ano naman ang masunod nga garbage hauler sa ciudad.
