Dako ang kalipay sang pila ka Agrarian Reform Beneficiary Organizations (ARBOs) sa Negros Island Region sa pagbatun sang farm machineries gikan sa Department of Agrarian Reform (DAR).
Subong nga adlaw, nagpanagtag sang land titles, naggrant sang debt condonation kag naghatag sang mga support services ang ahensya sa Bago City, Negros Occidental sa pagpanguna mismo ni Agrarian Reform Secretary Conrado Estrella III.
Balor P67.6 million naman ang ginturn-over nga farm machinery, equipment kag inputs sa 71 ka ARBOs nga ginalakipan sang 40 ka 115 Horse Power nga traktora, cargo trucks, solar-powered irrigation pump kag mini-tractors.
Ang DAR ang naghatag man sang 13,500 ka sako sang organic fertilizer.
Isa sa mga benepisyaryo amo si Benie Kalunsag nga nagikan pa sa Siquijor.
Suno diri, sila ang kahapon pa nag-abot sa probinsya agud magbatun sang ginturn-over nga traktora kag mini-tractor.
Sila ang nagpabulig naman sa DAR-Siquijor sa pagtransport sang mga makinarya.
Suno diri, ila nga parentahan ang traktora kag mini-tractor bilang dugang nga income para sa ila organisasyon.
Dako man ang kalipay sang Head sang Mansiguinon Agrarian Reform Organization sa Brgy Guimbalaon, Silay City, bangod sila ang kalakip sa ginhatagan sang traktora.
Sa interview sang Bombo Radyo Bacolod kay Nany Laus, ang mga makenarya ang ila nga gamiton sa pagkultibar sang talamnan sang utan kasubong man sang tubo.
