Dakop ang duha ka lalaki sa gun buybust operation nga ginpatigayon sang Bacolod – Criminal Investigation and Detection Group sa overpass sa Brgy. Mandalagan, Bacolod City, Negros Occidental, alas-3:30 kahapon sang hapon.
Ang mga nadakpan ang ginkilala nga sanday Rolando Batuigas alyas “Bujak”, 41 anyos, residente sang Prk, Mahimulaton, Brgy. Banago, Bacolod City kag Jovie Silvestre, 37 anyos, residente sang Prk Yanson Uno, Brgy. Mandalagan, Bacolod City.
Nakumpiskar sa duha ang isa ka unit sang cal. 45 pistol nga kag isa ka unit sang 9mm. pistol nga lunsay wala sang serial number; kag duha ka steel magazine sang caliber 45 pistol, isa ka steel magazine sang cal. 9mm pistol, lima ka live ammunition sang caliber 45 pistol, kag apat ka live ammunition sang cal. 9mm pistol.
Ang duha ang magapangatubang sang kaso sa pagbayolar sa RA 10591 ukon Comprehensive Firearms and Ammunition Regulation Act.
