Preparado na ang pila ka mga Barangay sa ciudad sang Bacolod para sa bagyo Wilma.
Suno kay Punong Brgy Remus Abaring sang Brgy Bata, nakahanda na ang ila mga Brgy tanod, rescuers kag volunteers.
Suno diri, nakacontact na ini sa mga buluthuan nga gamiton bilang evacuation centers.
Samtang, gintinguhaan man nila nga maclear ang creek sa bahin sang Ceres North Terminal nga amo lamang ang creek nga gina-iligan sang tubig halin sa Brgy, apang ginalantaw sini nga mangin problema naman amo nga may maanod nga mga basura ukon kahoy nga magsupon sa creek kag magesulta sa pag-awas sang tubig sa dalan.
Samtang, preparado naman ang evacuation centers sa Barangay Mandalagn, Bacolod City pananglitan nga may yara sang e-evacuate.
Suno kay Punong Brgy Paul Anieve, wala pa sang may nagpadulong sa evacuation center bangod ang mga tawo nagadepende kun magsaka gid man ang tubig antes maggiyo para mag-evacuate bisan pa nga ginakumbinse na sini ang mga tawo nga halin sa area.
Suno diri, nakahanda na ang Bureau of Fire Protection, Disaster Risk Reduction and Management Office kag emergency response team kun may patigayonon nga pagrescue sa mga pumuluyo.
Nagpanawagan naman ang Punong Brgy sang Pahanocoy, Bacolod City sa mga pumuluyo nga magsunod kun kinahanglan na mag-evacuate.
Suno kay Punong Brgy Bebing Noble, nakahanda na sila inkaso nga kun nagasaka ang water level, mapatigayon sila sang pag-evacuate sa mga tawo kag indi na nila paghulaton pa nga mag-awas na ang tubig sa dalan.
Suno diri, preparado na ang mga rescuers kag emergency response team kasubong man ang mga buluthuan nga gamiton bilang evacuation centers.
