Ginbatikos sang kampo sang negosyante nga si Atong Ang ang ginpagwa nga desisyon sang Department of Justice (DOJ) nga pasakaan sila sang kaso angot sa missing sabungeros.
Ini matapos nga ginduso sang Department of Justice (DOJ) ang pagpasaka sang kaso batuk kay Charlie “Atong” Ang, kag sa 25 pa ka mga indibidwal.
Sa press statement kahapon, nakita sang panel of prosecutors nga may prima facie evidence ukon may nagaka-igo nga pamatuod ukon may “reasonable certainty of conviction” para sa 10 counts sang kaso nga Kidnapping with Homicide.
Suno sa abogado sini nga si Atty. Gabriel Villareal, indi patas ang resolusyon para sa akusado kag madamo ini sang kakulangan.
Suno diri, nakatutok ang resolusyon sa indi mapatihan nga testimonya sang testigo nga si Julie Patidongan.
Gin-akusahan man ni Villareal si Patidongan nga ginamanipular ang proseso agud nga masalbar ang iya kaugalingon.
Ginhingyo sini ang Philippine National Police–Criminal Detection and Investigation Group (PNP-CIDG) nga usisa-on liwat ang kaso.
