Ginpahayag sang gobernador sang probinsya sang Negros Occidental nga may yara gid sang may maigo nga opisyales sa probinsya sa ginaduso nga mapasar bilang layi ang Anti-dynasty bill.
Sa interview sang Bombo Radyo kay Governor Eugenio Jose ‘Bong’ Lacson, madugay na nga yara sa constutition ang ginaduso nga anti-dynasty bill kag sa karun nalakip ini sa luyag ni President Ferdinand Marcos Jr. nga iprioritize sang kongreso.
Suno diri, sa anti-dynasty bill indi pwede nga sa tion nga makatapos na sa termino ang isa ka opisyal, may yara sang pamilya sini nga magapapili para sa amo man nga position.
Suno sa gobernador, kun may manaog nga opisyal indi pwede nga buslan siya sang iya iloy, amay, bata, ukon utod man.
Pahayag ni Lacson, sadto sang nanaog siya bilang alkalde sang San Carlos City, wala sang may apelyido nga ‘Lacson’ nga nagbulos sa iya.
Samtang, ginpahayag man sini nga ang pamilya sang presidente kalabanan yara sa pulitika apang sa lain-lain lamang nga posisyon kaangay na lamang sa Senado kag sa House of Representatives.
Sa bahin sang probinsya, gin-ako sang gobernador nga may yara gid sang maigoan kun mapasar na ang anti-dynasty bill magluwas na lamang kun manaog na sila sa posisyon kag maghulat anay nga may matapos nga termino kag amo naman nga magbalik sila bilang challenger kag yara na sa tawo kun hatagan sila sang tsansa nga magbalik sa pwesto.
