Kapin sa 100 ka fruit vendors naka-umpisa na sa pagplastar sang ila mga baligya sa nagkalain-lain nga lokasyon sa ciudad.
Sa interview sang Bombo Radyo Bacolod kay Atty Mark Steven Mayo, may yara sang special permit ang Local Market Committee kag Sangguniang Panlungsod para sa mga vendors para sa Prutasan sa Paskwa 2025.
Suno diri, may kapin 27 ka vendors sa Gonzaga Street, kapin 27 sa Burgos Street, kag kapin 45 ka vendors sa Hernaez St.
May yara sang gintalana nga schedule para sa mga fruit vendors kun tubtob san-o lamang sila.
Nagpasalig naman si Mayo nga indi maka-apekto ang mga stalls sang vendors bangod wala man sila nagapwesto sa dalanon kag yara lamang sa may gutter.
Samtang, nagpaandam man ini sa mga wala nagasunod sa mga pagsulondan nga sila ang mahimo indi na liwat mahatagan sang permit para magbaligya sa masunod nga tuig.
