Dakop ang duha ka lalaki nga involved sa aksidente matapos makuhaan sang masobra P500,000 nga balor sang suspected shabu sa Barangay San Teodoro, Binalbagan, Negros Occidental, alas- 12:50 kaina sang udto.
Ang mga nadakpan amo sanday Alias Anthon, 35 anyos kag Alias Phil, 26 anyos nga lunsay mga residente sang Brgy 2, Kabankalan City, Negros Occidental.
Sa inisyal nga imbestigasyon, nakabunggo sa puno ang salakyan nga ginasakyan sang duha matapos madulaan sang kontrol ang driver.
Gilayon nga nagresponder ang kapulisan sang Binalbagan Municipal Police Station sa area apang ang duha ka lalaki nalagyo sang nakita ang nagapalapit nga mg pulis.
Nagsakay ang duha sa tricycle apang nadakpan sa Crossing Bag-o, Barangay San Jose, Binalbagan.
Gindala ang duha sa police station kag didto nahibaloan nga nalagyo ang mga ini bangod nakasulod sa ila bag ang suspected shabu nga nagabug-at sang kapin 80 grams nga may standard drug price nga P544,000.
