Regular na ang skedyul sang pagkolekta sang mga basura sa ciudad sang Bacolod.
Sa press conference kahapon sang aga, ginpahayag ni Bacolod City Mayor Greg Gasataya nga nagasugod na ang International Solid Waste Integrated Management Specialists Inc. (ISWIM) sa pagkolekta sang mga basura base sa regular nga schedule nga nakapost naman sa facebook page sang ciudad.
Suno kay Mayor Greg nga duha ka adlaw sa sulod sang isa ka semana ang pagkwa sang basura sa kada barangay.
Suno diri, nakadepende sa kadaku-on sang barangay ukon subdivision ang pagkolekta sang basura.
Pahayag sang alkalde nga kun dako ang isa ka barangay ukon subdivision, tatlo ka adlaw ang paghakot sang basura kada semana.
Dugang pa, padayon ang pag-monitor sang mga otoridad sa mga pumuluyo nga nagahaboy sang basura sa indi husto nga halabuyan.
Pahayag sang alkalde, ginalauman nga amat-amat na nga maubos ang backlog sang basura kag manormalize na ang schedule sang collection sa mga kabarangayan kag subdivisions.
