Masobra P8.8 million nga balor sang supected shabu ang nakumpiskar sa ginpatigayon nga drug buybust operation sang Bacolod City Drug Enforcement Unit (CDEU) sa Barangay Mandalagan, Bacolod City pasado alas-6:00 kagab-i, Enero 12.
Sa inisyal nga impormasyon, ginkilala ang mga subject person nga sanday alyas “Tata/Ramyr,” 53-anyos, lalaki, wala sang asawa, wala sang trabaho kag residente sang Block 6, Lot 27, Meridian, Brgy. Mandalagan, Bacolod City; kag si alyas Anthony, 45-anyos, lalaki, wala sang asawa, wala sang trabaho kag residente sang Purok Paraiso, Brgy. Hilamonan, Kabankalan City, Negros Occidental.
Nakuha sa ila paghinakup ang pito ka heat-sealed transparent plastic sachets kag lima ka knot-tied transparent plastic bag sang suspected shabu; P6,000 nga buy-bust money kag iban pa nga non-drug items.
Ang nakumpiskar nga illegal nga druga ang ginabanta nagabug-at sang 1,300 grams nga may standard drug price nga P8,840,000.
