May person of interest na ang kapulisan sa suspect sa nagluntad nga holdup incident sa bahin sang Brgy Mansilingan, Bacolod City kapin alas-7:00 tubtob alas-8:00 kagab-i.
Sa interview sang Bombo Radyo Bacolod kay Police Captain Jay-R Reyes, officer in charge sang Bacolod Police Station 7, ang biktima nga 19 anyos nga babayi ang nagalakat na kuntani papauli matapos makapanaog sa jeep bangod ini ang gikan sa eskwelahan.
Apang pagdangat sa madulom nga lugar, ini ang ginsundan sang suspect nga sakay sa itom nga motorsiklo.
Hinali ini nga nagdeklarar sang hold-up kag gintaban ang bag sang biktima, nga naga-unod sang iya cellphone nga ginabanta balor P10,000 kag mga bulong.
Nagahapo-hapo pa ang biktima kag naglain ang pamatyag sang siya ang ginrespondihan.
Ang suspect ang nakasuksok sang jersey shirt kag wala man sang tabon ang nawong, gani siya ang nakilala sang biktima kag sang bata nga witness.
Sang ginpalantaw sa iya ang rogues gallery, positibo sini nga natumod ang ginatudlo suspect, nga nagsanto man sa inisyal sini nga description.
Suno kay Reyes, ang suspect ang napriso na sadto sa iban nga Police Station sa Bacolod bangod man sa kaso nga pagpangawat.
